Бердәм Россиянең Татарстан бүлеге махсус операциягә 3,5 мең тоннадан артык ярдәм җибәргән
Татарстанда махсус хәрби операция зонасына гуманитар ярдәм җыю һәм җибәрү дәвам итә. Бу хакта ТР Дәүләт Советы Рәисе Фәрит Мөхәммәтшин партиянең төбәк бүлеге конференциясенең ХХХVIII икенче этабы кысаларында белдерде.
«Бердәм Россия линиясе буенча гына да 32 колонна йөк җибәрдек», - дип ассызыклады Мөхәммәтшин.
Аның сүзләренә караганда, бу вакыт дәвамында партия 3,5 мең тоннадан артык йөк җыйган һәм җибәргән. Моннан тыш, Лисичанск һәм Рубежное мәктәп укучылары өчен 2 мең комплект мәктәп кирәк-яраклары җыелган.
«Бу эш безне берләштерә һәм илебез Президенты Владимир Путин куйган максатларга ирешүне якынайта», – дип йомгаклады сүзен Мөхәммәтшин.