Руслан Абдуллаев АҚШдаги учинчи жангини ҳам ғалаба билан якунлади
АҚШнинг Калифорния штати, Индио шаҳрида жойлашган Fantasy Springs Resort Casino мажмуасида навбатдаги профессионал бокс кечаси ўз якунига етди.
Ушбу тадбир доирасида юртимиз вакили Руслан Абдуллаев ўзининг проф боксдаги учинчи беллашувига чиқди. Унинг навбатдаги рақиби америкалик тажрибали спортчи Кевин Жонсон бўлди. Саккиз раунд давом этган жанг сўнггига қадар давом этди ва унда Абдуллаев ҳакамлар қарорига кўра устунликни қўлга киритди.
Маълумотларга кўра, 32 ёшли Кевин Жонсон шу вақтга қадар 20 та жангда иштирок этган бўлиб, Абдуллаевдан учрaган мағлубият унинг фаолиятидаги саккизинчи йўқотиш бўлди. Шунингдек, Жонсон ўзининг илк мағлубиятини 2018 йил июль ойида яна бир ўзбекистонлик боксер Фазлиддин Ғойибназаровдан қабул қилиб олганди.
Ҳаваскор боксда жаҳон чемпиони ҳисобланган Руслан Абдуллаев эса бугун проф боксдаги учинчи жангини ҳам ғалаба билан якунлаб, юксак натижаларини давом эттирмоқда.