Klare for snøfall i høgda
0
No kjem snøen til fjellet i Sør-Noreg.
– Fram til måndag ettermiddag blir det 5 til 15 centimeter snø over 900–1200 meter over havet, skriv meteorologane i sitt gule farevarsel.
Mannskap står klare for å skrape rusten av brøyteskjera, ifølge trafikkoperatør Andreas Rasmussen.
– Vi har entreprenørar som følger med og har utstyret som trengst. Dette er vi forberedt på, seier han.
Dette blir første snøfall på vegane denne hausten, ifølge Rasmussen.
Folk som skal over fjellet bør ta høgde for dårlege køyreforhold.
Og på vinterføre er det vinterdekk som gjeld, ifølge trafikkoperatøren.
– Det er lurt å vurdere om ein har behov for det, seier han.
I låglandet i nordvest er det venta mykje nedbør det neste døgnet, som vil auke faren for skred og flaum.