Песков: Путинның туры элемтәсенә мөмкин кадәр күбрәк мөрәҗәгать җыярга тырышачаклар

Россия Президенты Владимир Путин белән ел саен уздырыла торган туры элемтәгә ил гражданнарының мөмкин кадәр күбрәк мөрәҗәгатьләрен җыярга тырышачаклар. Бу хакта Кремльнең рәсми вәкиле Дмитрий Песков ВДТРК корреспонденты Павел Зарубинга белдерде.

«Без бу форматны һәрвакыт мәгълүматлырак итәргә тырышабыз», - дип ассызыклады Дмитрий Песков (РИА Новости буенча цитата).

«Аны гражданнарның мөмкин кадәр күбрәк мөрәҗәгатьләрен җыярга, аннары инде, бу процесста катнашкан барлык кешеләр белән бергә, гражданнарның максималь күләмдә мөрәҗәгатьләре «тере» җавап алырлык итеп эшләргә тырышабыз», - дип ачыклык кертте дәүләт башлыгының матбугат сәркатибе.

Песков сүзләренчә, чараны әзерләүдә Гомумроссия халык фронты да, Саклык банкы да җәлеп ителгән, ә ясалма фәһемне актив куллану гражданнардан максималь күләмдә мөрәҗәгатьләр җыярга мөмкинлек бирә.

«Министрлыклар да, ведомстволар да сорауларны җыю барышында да бик тиз җавап бирәләр, һәм сорауларны җыйган арада инде чаралар күрелә. Шуңа күрә проект шундый күләмле. Быел да шулай булыр, дип ышанам», - дип өстәде ул.

Элегрәк билгеле булганча, агымдагы елда зур матбугат конференциясе белән берләштерелгән Путинның туры элемтәсе декабрьдә була.