Хитой гиперкари дунёнинг энг тезкор автомобильига айланди
Хитой гиперкари дунёдаги энг тезкор автомобильга айланди: Германиянинг Папенбург трексида пойгачи Марк Бассенг YangWang U9 Xtreme билан 496,22 км/соатга чиқди, деб хабар берди carscoops.com. Илгариги нишон 2019 йилдаги Bugatti Chiron Super Sport 300+’нинг 490,48 км/соати эди.
Гиперкар юқори аниқ бошқарув ва сезгирликка эга инновацион тўрт моторли тизим билан жиҳозланган: умумий қувват 2 978 от кучи, буровчи момент 1 680 Нм. Завод маълумотларида максимал тезлик 309 км/соат деб кўрсатилган, рекорд эса махсус шароитларда ўлчангани таъкидланади.
Аккумулятор 450 км йўл беради, тез қувватланишда захирани 30 фоиздан 80 фоизга 10 дақиқада тўлдириш мумкин. Салон углепластик ва замша билан безатилган, DiSus-X осма тизими машинага “сакраш” ва ҳатто “рақс” имконини ҳам беради.