Канада ва Австралия Фаластин давлатини расман тан олди
2025 йил 21 сентябр куни Канада ва Австралия ҳукуматлари расман Фаластин давлатини тан олганини эълон қилди, деб хабар берди Kursiv media. Бу қарор БМТ Бош Ассамблеяси ҳафталиги олдидан иттифоқчилар билан ҳамоҳангликда қабул қилинди.
Канада Бош вазири Марк Карни расмий баёнот эълон қилди. Оттава Фаластин давлатини тан олиб, буни «икки давлатли ечим» имкониятини сақлаб қолишга қаратилган халқаро ҳаракатлар доирасидаги қадам сифатида баҳолади. Баёнотда Канада Фаластин халқини тинч келажак сари шерикликка чорлайди.
Қайд этилишича, бу қадам ХАМАСга қарши тинч ҳамкорликни қўллаб-қувватловчиларнинг позициясини мустаҳкамлайди ва терроризмни ҳеч қандай шаклда қўллаб-қувватламайди.
Бундан ташқари, Канада Исроил ва унинг халқининг хавфсизлигини қўллаб-қувватлашини алоҳида таъкидлади — бу хавфсизлик «икки давлатли ечим» орқали кафолатланиши мумкин.
Австралия ҳам шундай расмий баёнот берди. Канберра томонидан баёнот Бош вазир Энтони Албанизе ва Ташқи ишлар вазири Пенни Вонг томонидан эълон қилинди. Ҳукумат бу қарорни БМТ доирасидаги дипломатик ҳаракатлар билан боғлиқ, деб таъкидлади.