“Қайрат” мураббийи “Реал”нинг кичик камчиликларини фош қилди
"Қайрат" жамоасининг бош мураббийи Рафаэль Уразбахтин “Чемпионат” нашрига берган интервьюсида, 30 сентябрь куни бўлиб ўтадиган "Реал"га қарши учрашув олдидан фикр билдирди. Унинг таъкидлашича, мадридликларда катта заифликлар йўқ, аммо жамоа штаби уларнинг ўйинида баъзи “кичик минуслар”ни аниқлаган.
Уразбахтин:
“Биз ўзимиз учун маълум жиҳатларни топдик. Ҳар қандай жамоада кичик бўлса-да камчиликлар бўлади. Энг муҳими – улардан қандай фойдаланиш масаласидир”, – деди мураббий.
Мадриднинг “Реал” клуби 28 сентябрь куни тўлиқ таркибда Олмаотага етиб келган. Учрашув 30 сентябрь куни “Марказий” стадионида, Тошкент вақти билан соат 21:45 да бошланади, деб хабар беради Kursiv Media.