Суперлига. «Нефтчи» водий дербисида «Андижон»ни мағлуб этди
Суперлиганинг 24-туридан ўрин олган "Нефтчи" - "Андижон" ўртасидаги марказий беллашувда фарғоналиклар 2:0 ҳисобида меҳмонларни мағлубиятга учратди.
Учрашувнинг биринчи бўлими якунланаётган бир пайтда Аброр Исмоилов чиройли зарбаси билан Эржан Токотаев дарвозасини ишғол қилди. Иккинчи бўлимнинг 77-дақиқасида эса Жоэл Кожо "Нефтчи"нинг иккинчи голига муаллифлик қилган ҳолда, орадаги фарқни 2 тага етказиб қўйди.
Суперлига. 24-тур. 5 октябр
Нефтчи — Андижон 2:0
Голлар: Аброр Исмоилов (44), Жоэл Кожо (77).
Нефтчи — Ботирали Эргашев, Боян Цигер, Икром Алибоев, Аброр Исмоилов, Жоэл Кожо (Шаҳзод Нематжонов, 89), Жамшид Искандеров (Қувондиқ Рўзиеев, 89), Анвар Ғофуров, Муҳсин Убайдуллаев, Алишер Одилов (Владимир Йовович,76), Йован Жокич, Фаррух Сайфиев.
Андижон — Эржан Токотаев, Абубакир Ашуров,Суннатуллоҳ Ҳамиджонов, Исмоил Акинаде (Абдураҳмон Абдуллаев, 74), Саидумар Саиднуруллаев (Шоҳжаҳон Ёрқинбоев, 63), Сардор Азимов, Дамир Темиров, (Отабек Жўрақўзиев,46), Усмонали Исмоналиев (Муҳаммадали Усмонов, 74), Дониёр Абдуманнопов (Бектемир Абдуманнонов, 63), Муҳаммадкарим Тоиров, Кристиан Новак
Огоҳлантиришлар: Сардор Азимов (36), Усмонали Исмоналиев (69).
Маълумот ўрнида, фарғоналиклар ушбу ғалаба орқали очколар сонини 51 тага етказиб олиб, пешқадам "Насаф" билан фарқни 2 тагача қисқартирди. "Бургутлар" эса 23 та учрашувдан сўнг 25 очко жамғарган ҳолда, 11-ўринда қолмоқда.