Трампнинг туғилган кунида Оқ уйда катта UFC шоуси бўлади

АҚШ президенти Доналд Трамп келаси йил 14 июнда Оқ уй ҳовлисида йирик UFC жанг кечаси ўтказилишини маълум қилди. «Келгуси йилнинг 14 июн куни биз Оқ уй майдонида катта UFC жанг оқшомини ўтказамиз», — деди у баёнотида.

Мазкур сана давлат раҳбарининг туғилган кунига тўғри келади. Трамп 2026 йилда 80 ёшни қарши олади ва ушбу лайв шоуни байрам кайфиятида ўтказиш режалаштирилган.

Аввалроқ UFC тадбири ойнинг бошида, АҚШ Мустақиллик куни (4 июль) атрофида бўлиши мумкинлиги айтилганди. Энди эса қарор туғилган кун билан уйғунлаштирилди — мухлислар учун янада ажойиб медиа-ҳодиса кутилаяпти.

Ҳозирча кард тўлиқ эълон қилинмаган, иштирокчилар рўйхати ва логистикага доир деталлар кейинроқ маълум қилинади. UFC ва Оқ уй ҳамкорлигида ташкил этиладиган бу кеча спорт ва сиёсат чорраҳасидаги энг ёрқин спорт тадбирларидан бирига айланиши мумкин.

Таъкидлаш жоиз, янгилик MMA жамоаси орасида катта қизиқиш уйғотди: айримлар буни янги анъанага айланадиган шоу деб баҳолаяпти, бошқалар эса хавфсизлик ва инфратузилма масалалари қандай ҳал этилишини кутмоқда. Бир нарса аниқ — йирик муштлашув кечаси спорт ихлосмандлари диққат марказида бўлади.