IBM ва Anthropic AI соҳасида ҳамкорликни бошлади
Нью-Йоркнинг Армонк шаҳрида жойлашган IBM сешанба куни Claude катта тил моделлари оиласини ўз дастурларига қўшишини эълон қилди. Биринчи бўлиб Claude моделидан IBM’нинг интеграл дастурлаш муҳитида фойдаланилади, у айни пайтда танлаб олинган мижозларга тақдим этилмоқда.
Шунингдек, IBM ва Anthropic ҳамкорликда корхоналар учун сунъий интеллект агентларини яратиш, жорий этиш ва сақлаш бўйича амалий қўлланма тайёрлади.
Шартлар ошкор қилинмади. TechCrunch IBM’дан ушбу ҳамкорликнинг келажаги ҳақида қўшимча маълумот сўради.
Anthropic 2024 йил сентябрда Claude Enterprise’ни ишга туширганидан сўнг корпоратив бозорга фаол кириб келмоқда.
Душанба куни Claude моделлари 500 мингга яқин ходимга эга Deloitte компаниясида ҳам жорий этилиши эълон қилинди. Бу — компаниянинг энг йирик корпоратив лойиҳаси ҳисобланади.
Menlo Ventures томонидан 2025 йил июлида ўтказилган тадқиқотга кўра, корпорациялар Claude моделларини бошқа сунъий интеллект моделларига қараганда афзал кўради. Унда OpenAI моделларидан фойдаланиш 2023 йилдан бери камайиб бораётгани қайд этилган.