Бүген «Ак Барс» Астананың «Барыс» командасына каршы уенда җиңде
Бүген «Ак Барс» Астананың «Барыс» командасына каршы уенда җиңде. Матч Казанда узды.
Беренче периодның дүртенче минутында «Ак Барс» һөҗүмчесе Владимир Алистров гол кертте (1:0).
Икенче периодның унҗиденче минутында Артём Галимов «Ак Барс»ны тагын бер алкага алга чыгарды (2:0). Периодның соңгы минутында, «Ак Барс» азчылыкта уйнаганда, Артём Галимов икенче алкасын кертеп дубль ясады (3:0).
Өченче периодның өченче минутында Казан командасы сакчысы Никита Лямкин гол кертте (4:0). Бишенче минутта Динмөхәмәд Кайыржан «Барыс»ның артка калышуын киметә алды (4:1). Җиденче минутта «Барыс» уенчысы Майкл Веккьоне гол кертте (4:2). Бераздан Всеволод Логвин исәпне 4:3 итте.
Командалар составы:
«Ак Барс»
- Билалов (Бердин);
- Яшкин – Семёнов – Алистров, Лямкин – Миллер;
- Денисенко – Хмелевский – Барабанов, Карпухин – Марченко;
- Биро – Сафонов – А. Галимов, Фальковский – Князев;
- Дыняк – Фисенко – Кателевский (Жулин).
«Барыс»
- Шил (Шутов);
- Старченко – Морелли – Веккьоне, Маккошен – Уолш;
- Э. Галимов – Омирбеков – Савицкий, Масси – Данияр;
- Симонов – Шайхмедденов – Кайыржан, Бекетаев – Бреус;
- Логвин – Николишин – Мөхәмәтов (Оразов).
12 октябрьдә «Ак Барс» Мәскәүдә ЦСКА командасына каршы көч сынашачак. Уен 17:00 башлана.