Думага Татарстаннан сайланган депутат Татьяна Ларионовага Дуслык ордены тапшырылды

Дәүләт Думасы спикеры Вячеслав Володин Дәүләт Думасына Татарстаннан сайланган депутат Татьяна Ларионовага Дуслык орденын тапшырды. Тантаналы чара Изге Сергий Радонежский көнендә узды. Бу хакта парламентарий үзенең телеграм-каналында хәбәр итте.

«Бу минем өчен символик мәгънәгә ия: рухи кыйммәтләргә һәм ныклы гаиләгә багышланган көн безгә бер-беребезгә ярдәм итүнең һәм тормышыбызны тотрыклы, мәгънәле итә торган традицияләрне саклауның мөһимлеген искәртә», - диде Ларионова.

Депутат аны әлеге бүләккә лаек булуы белән котлаган һәркемгә рәхмәт белдерде. «Зур бүләк, җылы сүз һәм игътибар – боларның барысы да җаваплылык һәм эшебезне Россия гаиләләре, дәүләт һәм уртак киләчәгебез мәнфәгатьләрендә дәвам итәргә омтылу», – дип өстәде ул.

Искәртеп үтәбез, Татьяна Ларионова Дәүләт Думасына «Бердәм Россия»нең федераль исемлеге буенча сайланды. Ул гаиләне яклау, ата, ана һәм балалар мәсьәләләре комитеты әгъзасы, социология фәннәре кандидаты, шулай ук I һәм II дәрәҗә «Ватан алдындагы казанышлар өчен», «Казанның 1000 еллыгы истәлегенә» һәм «Фидакарь хезмәт өчен» орден медальләре иясе.

Ел башында Ларионова Татарстанда «Бердәм Россия»нең халык программасы буенча оештырылган комиссияне җитәкләде, аның бурычы – халыкка партиянең төп документын гамәлгә ашыру нәтиҗәләре һәм киләчәккә планнар турында мәгълүмат бирү.