Тинчлик музокараси сари кетаётган дипломатлар ҳалокатда вафот этди
11 октябрь куни Қатар делегацияси Ғазо азо бўйича музокараларда иштирок этиш учун кетаётган пайтда Мисрнинг Шарм аш-Шайх шаҳри яқинида йўл-транспорт ҳодисасига учради. Расмий манбаларга кўра, Қатар протокол хизматида фаолият юритувчи 3 нафар дипломат ҳалок бўлган, яна 3 киши оғир тан жароҳати билан шифохонага ётқизилган.
Ҳодиса Қатар, АҚШ ва Миср воситачилигида олиб борилаётган Исроил ва ҲАМАС ўртасидаги тинчлик музокаралари жараёнида рўй берди. Айни пайтда Шарм аш-Шайх шаҳрида бўлиб ўтаётган муҳим учрашувларда минтақадаги қон тўкилишни тўхтатиш, ҳарбий кучларни чекинтириш ва гаровдаги фуқароларни алмашишга оид келишувлар муҳокама қилинмоқда.
Маълум қилинишича, тинчлик режаси 10 октябрь куни кечаси кучга кирган. Ҳозирда музокараларда АҚШ президенти Дональд Трамп, Миср президенти Абдулфаттоҳ Сисси, Франция президенти Эммануэль Макрон, Испания бош вазири Педро Санчес ҳамда БМТ бош котиби Антониу Гутерриш иштирок этмоқда.
Қатар делегацияси ушбу музокараларда фаол воситачи сифатида қатнашмоқда эди. Транспартавария ҳалокати тинчлик жараёнига қандай таъсир қилишини расмийлар ҳали баён этгани йўқ.
Халқаро сиёсатчилар ва кузатувчилар бу воқеани жуда ҳассос бир пайтдаги оғир йўқотиш сифатида баҳоламоқда. Қурбонлар сони кўпайиши мумкинлиги ҳам инкор этилмаяпти.