Яқин ҳафталарда Хитой ва АҚШ муносабати ойдинлашади
0
Яқин кунларда Хитойнинг АҚШ билан янги савдо урушига кириш нияти бор-йўқлиги маълум бўлади, деб хабар берди АҚШ вице-президенти Жей Ди Вэнс.
Унинг сўзларига кўра, президент Доналд Трампнинг Пекинга нисбатан савдо соҳасидаги босим воситалари анча кучлироқ. Шу билан бирга, вице-президент таъкидлаганидек, агар Хитой масалага оқилона ёндашса, Вашингтон музокараларни мантиқий ва прагматик асосда давом эттиришга тайёр.
Аввалроқ Хитой Савдо вазирлиги АҚШнинг янги бож чораларига кескин эътироз билдирган ва буни “иккиёқлама стандартларнинг яққол намунаси” деб атаган эди.
Мутахассислар фикрича, яқин ҳафталарда икки давлат ўртасидаги муносабатлар келгусидаги иқтисодий сиёсат йўналишини белгилаб бериши мумкин.