EU vedtek sin 19. sanksjonspakke mot Russland
0
Torsdag vedtok EU-landa sin 19. sanksjonspakke mot Russland, melde Reuters. EU-landa godkjente pakken etter at Slovakia trakk blokkeringa si.
– EU avgrensar russiske diplomatar sin rørslefridom for å motverke destabiliseringsforsøk. Det blir stadig vanskelegare for Putin å finansiere denne krigen, skriv EU sin utanrikssjef Kaja Kallas på X.
Sanksjonspakken inneheld blant anna eit forbod mot import av flytande russisk naturgass (LNG) og straffetiltak mot den russiske skuggeflåten. Pakken vil også påverke russiske bankar, kryptobørsar og selskapar i blant anna India og Kina.
– Det er positivt at USA og EU er einige om sanksjonar mot Russland, sa Danmark sin statsminister Mette Frederiksen under eit EU-toppmøte i Brussel melder Reuters.