«Заманауи қала: облыс орталығының өркендеуі
Ежелгі Тараз қаласы соңғы жылдары айтарлықтай өзгерістерге ұшырап, жаңа даму кезеңіне қадам басты. Қала аумағына Байзақ және Жамбыл аудандарынан бірнеше елді мекен қосылып, халық саны 482 мың адамға жетті. Соның нәтижесінде Әулиеата және Жібек жолы атты екі жаңа әкімшілік аудан құрылды.
Қалада көлік инфрақұрылымын дамыту мақсатында жаңа көпірлер мен жол айрықтарын салу басталды. Сондай-ақ, кәріз суларын тазарту кешенінің құрылысы қолға алынды. Оның құны – 47 млрд теңге, тәуліктік қуаты – 80 мың текше метр.
Тұрғын үй құрылысы қарқынды жүргізілуде: жаңа шағынаудандарда ондаған көпқабатты үй бой көтеруде. Қазір 23 мыңнан астам азамат тұрғын үй алу кезегінде тұр. Сонымен бірге, 130 мыңнан астам тұрғынға жер телімін беру мәселесі кезең-кезеңімен шешілуде.
Жылу және ауыз су жүйелері жаңартылуда. 2023–2025 жылдары 640 шақырымнан астам су құбыры тартылып, 56 мың тұрғын сапалы ауыз сумен қамтылды. 2025 жылға дейін қала халқының барлығы таза ауыз сумен қамтамасыз етіледі.
Қала көшелерін жарықтандыру, қоғамдық көлікті жаңарту, жаңа аялдамалар орнату және көгалдандыру жұмыстары жүйелі түрде жалғасуда. «Жасыл белдеу» бағдарламасы аясында мыңдаған ағаш отырғызылып, арық жүйелері қалпына келтірілуде.
Мәдениет пен туризм саласында да оң өзгерістер байқалады. «Тектұрмас» кешеніндегі «Көне қамал» нысаны пайдалануға берілді, жаңа мәдениет үйлері мен кітапханалар салынып жатыр.
Бүгінде Тараз – заманауи инфрақұрылымы дамыған, экологиялық таза, тұрғындарға жайлы өмір сыйлайтын жасыл қалаға айналып келеді.
Сообщение «Заманауи қала: облыс орталығының өркендеуі появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.