Раул Ямални “Олтин тўп” сўровидаги 2-ўрин билан табриклади
"Реал" жамоасининг собиқ сардори Раул Гонсалес "Барселона" вингери Ламин Ямал ҳақида фикр билдирди. У Ямални ажойиб футболчи деб атаб, ёш бўлишига қарамай, майдонда камдан-кам учрайдиган ютуқларга эришаётганини таъкидлади.
Раулнинг сўзларига кўра, энди Ямал бу муваффақиятларини мустаҳкамлаши керак. Euro-football.ru маълумотига кўра, Раул Ямал келажакда клуби ва Испания терма жамоаси учун муҳим футболчига айланишига ишонч билдирди.
Ямал яқинда "Олтин тўп" соврини учун ўтказилган сўровда иккинчи ўринни эгаллади. У бу натижа билан Усмон Дембелега йўл берди.
Жорий йил 26 октябрь, якшанба куни Испания чемпионатида "Реал" ва "Барселона" клублари ўртасида учрашув бўлиб ўтади. "Эл-Класико" ўйини "Сантяго Бернабеу" стадионида ўтказилади. Ямал ушбу баҳсда ҳам майдонга тушиши кутилмоқда.