Роналду фаолиятини тугатиш учун "Спортинг"га қайтмоқчи
0
Португалия футболи афсонавий юлдузи Криштиану Роналду Саудиянинг "Ан-Наср" жамоасини тарк этишга қарор қилди. El Nacional нашрининг маълумот беришича, у катта футболга илк қадам қўйган севимли клуби — Лиссабоннинг "Спортинг" жамоаси сафида фаолиятини якунлашни режалаштирмоқда.
40 ёшни қарши олиш арафасида бўлган Роналду “Ан-Наср” билан 2027 йилгача амал қиладиган шартнома бўлишига қарамасдан, уйига қайтиш учун жуда катта маошдан воз кечишга тайёрлигини билдирган.
Жорий мавсумда португалиялик ҳужумчи еттита учрашувда майдонга тушиб, олтита гол урди ва иккита голли узатма муаллифи бўлди.
Афсонанинг йўли яна ватанига — “Спортинг”га олиб келмоқда.