“Сандерленд” “Челси”ни мағлуб этиб, АПЛда иккинчи ўринга чиқди

9-тур Англия Премер-лигасида “Челси” ўз майдонида “Сандерленд”ни қабул қилди. “Челси” устунлик қилганига қарамай, жамоа ўз имкониятларидан тўлиқ фойдалана олмади. Бу ҳақда Euro-football.ru хабар берди.

Учрашувнинг 4-дақиқасида Педру Нету марказда тўпни олиб, тезда Алеҳандро Гарначога узатма берди. Гарначо жарима майдонига ёриб кириб, кескин бурчакдан дарвозабоннинг оёқлари орасидан аниқ зарба йўллади.

22-дақиқада “Сандерленд” узоқдан аут ташлаб, рақиб жарима майдонида бир неча рикўшетлардан сўнг Бертран Траоре дарвозага зарба берди, бироқ тўпни Вилсон Изидор тепиб, дарвозабон устидан дарвозага йўллади ва ҳисоб тенглашди. Биринчи бўлим охирида Гранит Жака жарима майдонига нозик пас узатди, бироқ Изидорнинг зарбаси дарвоза ташқарисига кетди.

Рисс Жеймс бурчакдан тўп оширди, Марк Гиу бош билан узатмани давом эттирди, аммо Гарначо дарвозабонга тўғри зарба берди. Биринчи тайм 1:1 ҳисоби билан якунланди.

Иккинчи бўлимда хавфли вазиятлар деярли юзага келмади. Учрашувнинг 90+3-дақиқасида “Сандерленд” футболчиси Браен Бробби жарима майдонида тўпни ушлаб, Чемсдин Талбига узатма берди.

Талби чиройли зарба билан тўпни узоқ бурчакка йўллаб, жамоасига ғалаба келтирди. Натижада, “Сандерленд” 17 очко билан иккинчи ўринга кўтарилди ва “Манчестер Сити”ни пастга туширди.

“Челси” эса 14 очко билан еттинчи поғонада қолди.