Де Зерби Паварга қўллаб-қувватлашини билдирди
0
Марсель бош мураббийи Роберто Де Зерби Лига 1нинг тўққизинчи турида Лансга қарши сафарда ўтказилган ўйиндан кейин журналистлар билан суҳбатлашди. Провансаликлар бу ўйинда 1:2 ҳисобига мағлуб бўлишди.
"Сўнгги икки муваффақиятсизликни Паварнинг унчалик яхши бўлмаган ҳаракатлари билан изоҳлаш мумкин. У сўнгги вақтларда автоголларга дуч келмоқда.
Аммо Бенжамен бу сабабли ўз ишончини йўқотмаслиги керак. У бизнинг жамоамиз учун муҳим футболчи.
У хотиржам бўлиб, ўз устида ишлашда давом этиши лозим," - деди бош мураббий Footmercato нашрига берган интервьюсида. Де Зерби шогирдлари тўққизта ўйиндан кейин 18 очко тўплашга эришди.
Прованс жамоаси Франция чемпионати турнир жадвалида учинчи ўринда бормоқда.