Тошкентда шоқол тутилди
Тошкент шаҳар ободонлаштириш бош бошқармаси ходимлари пойтахт аҳолиси орасида шов-шувга сабаб бўлган шоқолни тутишди. Йиртқич ҳайвон Мирзо Улуғбек туманида қўлга олинди.
Ҳокимият маълум қилишича, ҳайвон соғлом ва яқин орада Тошкент ҳайвонот боғига топширилади. Сўнгги ҳафталарда ижтимоий тармоқларда шоқолнинг пойтахт марказидаги турар-жой ҳудудлари, хусусан, Дархонда эркин ҳаракатланаётгани акс этган фото ва видеолар тарқалганди.
Гувоҳларнинг сўзларига кўра, шоқол одамларга ҳужум қилмаган, бироқ мушукларни овлаган. Тахминларга кўра, у оч қолган.
Экология бошқармаси вазиятни назорат қилаётганини маълум қилди. Идора фуқароларга йиртқич ҳайвонга яқинлашмасликни ва уни кўрганда зудлик билан фавқулодда хизматларга хабар беришни тавсия қилди.
Ҳайвонларни ҳимоя қилувчи фаолчилар шоқолнинг пайдо бўлишини кўчалардаги дайди итларнинг оммавий йўқ қилиниши билан боғлашмоқда. Уларнинг фикрича, айнан итлар йиллар давомида шаҳарнинг табиий муҳитини ёввойи ҳайвонлардан ҳимоя қилиб келган.
"Бу тўсиқ йўқолганда, унинг ўрнини бўрилар, шоқоллар ва тулкилар эгаллайди", дейди фаоллар.