Россияда божхона йиғимлари ошади

2026 йилнинг 1 январидан бошлаб Россияда божхона йиғимлари ставкалари ўзгаради. Федерал божхона хизмати маълумотига кўра, мазкур ўзгаришлар мамлакатнинг Жаҳон савдо ташкилоти олдидаги мажбуриятлари ва йиғилган инфляция натижасида киритилмоқда.

Мақсад – божхона йиғимларини адолатлироқ қилиш ва божхона операциялари харажатларини қоплашдир. Шу билан бирга, экспорт ва шахсий эҳтиёжлар учун олиб кириладиган буюмлар учун йиғимлар ўзгаришсиз қолади.

Шунингдек, кемалар ва самолётлар орқали мамлакатга олиб келинган товарларга ҳам янги ставкалар таъсир қилмайди. Ташқи иқтисодий фаолият иштирокчилари ўз фаолиятларини мослаштириш учун вақтга эга бўлади, чунки янги қоидалар фақат 2026 йилнинг 1 январидан кучга киради.

2025 йилнинг январь-сентябрь ойларида Ўзбекистон ташқи савдо айланмасининг 15,7 фоизи Россия ҳиссасига тўғри келган.