Ламин Ямал "Эль-Класико"да энг ёмон футболчи бўлди
0
Испания чемпионати 10-турининг марказий учрашувида Мадриднинг "Реал" жамоаси ўз уй майдони "Сантяго Бернабеу" стадионида Каталониянинг "Барселона" клубини қабул қилди. Ушбу баҳсда "қаймоқранглилар" 2:1 ҳисобида ғалаба қозонишди.
Marca газетаси журналистлари "Эль-Класико" иштирокчиларининг ўйинини баҳолади. "Барселона"нинг 18 ёшли юлдуз қанот ҳужумчиси Ламин Ямал учрашувнинг энг ёмон футболчиси деб топилди ва атиги тўрт баллга лойиқ кўрилди.
Ўйиннинг энг яхши футболчиси эса инглиз ярим ҳимоячиси Жуд Беллингем бўлди, у 9 балл олган.
Ўн турдан сўнг "Реал" 27 очко билан Ла Лига турнир жадвалида пешқадамлик қилмоқда, "Барселона" эса 22 очко билан иккинчи ўринда бормоқда.