Тошкентда иссиқ сув ва иссиқлик нархи 15 фоизга ошади
Тошкент шаҳрида иссиқ сув ва иссиқлик таъминоти хизматлари учун тарифлар 15 фоизга оширилади, деб хабар берди Veolia Energy Tashkent компанияси.
Пойтахт ҳокимининг қарорига кўра, компания томонидан кўрсатиладиган марказлашган иссиқлик таъминоти хизматларига янги тарифлар тасдиқланди.
Янги нархларга кўра, базавий тариф (ҚҚСсиз) 711 641 сўм/Гкал, аҳоли учун — 139 860 сўм, бюджет ташкилотлари учун — 952 797 сўм, бошқа йирик истеъмолчилар учун эса 342 296 сўм этиб белгиланди.
Маълумотларга кўра, пойтахт аҳолиси ҳозирда базавий тарифнинг фақат 18 фоизини тўлайди, қолган қисми шаҳар бюджети субсидиялари ҳисобига қопланмоқда. Ҳукумат 2030 йилгача бу субсидияларни босқичма-босқич бекор қилишни режалаштирмоқда.
“Veolia Energy Tashkent” келгуси беш йил ичида иссиқлик хизматлари бўйича тўловларни тўлиқ истеъмолчилар ҳисобига ўтказишни мақсад қилган.
Шунингдек, компания маълум қилишича, 2025 йилда газ ва электр энергияси тарифлари 1 майдан, иситиш манбалари учун эса 15 июндан оширилади.
Янги қарор расман эълон қилинган кундан бошлаб кучга киради.