Новосельцев Карпин қарорини тушунмади
Собиқ "Ростов" ва "Зенит" ҳимоячиси Иван Новосельцев Россия миллий жамоаси бош мураббийи Валерий Карпиннинг Арсен Захарянни миллий жамоага чақиргани сабабини тушунмаганини тан олди.
Футболчи яқинда жароҳатдан тузалиб, ҳозирда Ла Лиганинг айрим ўйинларида захирадан майдонга тушмоқда, аммо ҳали самарали ҳаракатлари билан ажралиб тургани йўқ.
"Эҳтимол, Валерий Георгиевич Арсеннинг очилмаган потенциалини ва келажакдаги имкониятларини кўраётгандир. Аммо барибир бу миллий жамоа, "Динамо" футбол клуби эмас", – деди Новосельцев "Матч ТВ"га берган интервьюсида.
Новосельцев худди шундай фикрни "Зенит" ҳужумчиси Александр Соболевга нисбатан ҳам билдирди. Россия миллий жамоаси ноябрь ойида иккита ўртоқлик учрашувини ўтказади: 12 ноябрь куни Санкт-Петербургда Перу билан ва 15 ноябрь куни Сочида Чилига қарши.