Ўзбекистондаги 60 дан ортиқ автосалон текширилди: харидорлар шикояти асосида
0
Рақобатни ривожлантириш қўмитаси харидорларнинг шикоятларидан сўнг Ўзбекистондаги 60 дан ортиқ автосалонни текширди. Йил бошидан буён автомобил хариди билан боғлиқ 350 дан ортиқ мурожаат қабул қилинган.
Текширувлар натижасида бешта автосалонда сервис марказлари йўқлиги, 39 та автосалонда эса автомобилни бошқариш бўйича қўлланмалар ўзбек тилида мавжуд эмаслиги аниқланган. Бундан ташқари, айрим ҳолларда эҳтиёт қисмлар учун кафолат муддати автомобилнинг умумий кафолат муддатидан қисқароқ бўлган.
Қўмита ишлаб чиқарувчиларни кафолат муддати давомида автомобилларга хизмат кўрсатишни таъминлашга мажбурлашини маълум қилиб, қонунбузарликларни бартараф этишни талаб қилди.