Арсен Захарян биринчи голини урди
0
"Реал Сосьедад" ярим ҳимоячиси Арсен Захарян жорий мавсумда ўзининг биринчи голини киритди. Россиялик футболчи Испания Кубоги доирасида "Негрейра"га қарши баҳсда асосий таркибда майдонга тушди ва 54-дақиқада рақиб дарвозасини ишғол қилиб, ҳисобни 2:0 кўринишига келтирди ҳамда жамоаси устунлигини мустаҳкамлади.
Бу Захаряннинг "Реал Сосьедад"нинг жорий мавсумдаги илк асосий таркибдаги иштироки бўлди. У илгари Ла Лигада тўрт марта майдонга тушган бўлса-да, барча ҳолларда захирадан ўйинга қўшилган эди.
1 ноябр, шанба куни "Реал Сосьедад" ўз майдонида Испания чемпионати доирасида "Атлетик Бильбао"ни қабул қилади. Баск дербиси Тошкент вақти билан соат 22:30да бошланиши режалаштирилган.