"Барселона" Ямалга қарши кампания ҳақида шубҳаланмоқда
"Барселона" клуби вакиллари Ламин Ямалга қарши дискредитация кампанияси "Реал Мадрид" томонидан ташкил қилинган бўлиши мумкин, деб ҳисоблашмоқда. Бу ҳақда Sport нашри сешанба куни эълон қилган мақолада маълум қилинган.
Қайд этилишича, баъзи "Барселона" вакиллари Мадрид клуби Ямални дискредитация қилиш орқали Месси сабаб юз берган ўн йиллик муаммоларни такрорлашдан қўрқаётган бўлиши мумкинлигини таъкидлаган. Шу сабабли "Барселона" Ламинни ҳимоя қилиш учун барча чораларни кўришга бел боғлаган.
Шу билан бирга, "Барселона" 18 ёшли футболчининг хатти-ҳаракатларини янада диққат билан кузатиб бориш қарорини қабул қилди. Ламин Ямалнинг агенти Хорхе Мендес ҳам ёш иқтидорни яқиндан қўллаб-қувватлашга эътибор қаратади.
Эслатиб ўтамиз, Ламин Ямал жорий йилда "Олтин тўп" овоз бериш натижасида иккинчи ўринни эгаллади. Ушбу нуфузли мукофотни ПСЖ ҳужумчиси Усмон Дембеле қўлга киритди.
Айни вақтда "Барселона" Ла Лига турнир жадвалида 22 очко билан иккинчи поғонани эгаллаб турибди.