"Вердер" минимал ғалаба билан турни бошлади
0
Европа футбол ҳафталигини "Вердер" ва "Унион Берлин" жамоалари тенг имкониятлар билан ўтказилган муросасиз ўйин билан очди. Ҳар икки жамоа томонидан ҳақиқий гол уриш имкониятлари кўп бўлмади.
Мезбонлар сафида 45-дақиқада Амос Пипер узоқ масофадан зарба берди, лекин дарвоза тўрига етиб бормади. 72-дақиқада эса Юкинари Сугавара Марко Грюллга пас узатди ва у ҳисобни очишга муваффақ бўлди — 1:0.
Ушбу ғалаба натижасида Бремен жамоаси 11 очко билан мусобақа жадвалининг еттинчи поғонасига кўтарилди. "Унион Берлин" эса бир очко камга эга бўлиб, пастроқда турибди.