Түркістан облысында дәрігерлер шеге жұтып қойған баланы құтқарып қалды
Түркістан облыстық балалар ауруханасында дәрігерлер төрт сантиметрлік бұрандалы шегені жұтып қойған бір жастағы баланың өмірін құтқарып қалды, - деп хабарлайды Tengrinews.kz тілшісі Otyrar-ға сілтеме жасап.
Бала ауруханаға 27 қазанда ауыр жағдайда түскен. Ол тұншығып, дем алуы қиындаған.
Медициналық мекеменің хирургі Мұқағали Темірбековтің айтуынша, баланың тыныс алу жолына тұрып қалған шеге операция жасамай-ақ алынған. Дәрігер мұндай жағдайларда әр минуттың маңызды екенін атап өтті.
Қазір баланың өміріне қауіп жоқ, ол дәрігерлердің бақылауында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!