Binance асосчисининг ҳайкали Вашингтонда намойиш этилади
Вашингтон шаҳрида Binance асосчиси Чанпэн Чжаонинг тўрт метр баландликдаги олтин ҳайкали намойиш этилади. Мазкур ёдгорликни яратиш учун аноним тарафдорлари томонидан 50 минг доллар маблағ йиғилгани ҳақида Binance платформаси хабар берди.
Ҳайкалдаги Чжаонинг қўли кўтарилган бўлиб, у машҳур 'FUDни эътиборсиз қолдир' ишорасини кўрсатмоқда. Қисқа муддатли кўргазмадан сўнг ҳайкални Чжаонинг ўзига топшириш ёки кимошди савдосида сотиш режалаштирилган.
Сотувдан тушган маблағ Чжаонинг Giggle Academy хайрия жамғармасига йўналтирилади. Giggle Academy жамғармаси Чжаонинг АҚШ ҳукумати билан 4,3 миллиард долларлик келишувини ҳал қилганидан сўнг ташкил этилган.
Ушбу жамғарма маблағлари таълим ва ижтимоий лойиҳаларни қўллаб-қувватлашга сарфланади. Бундан аввал Курсив Ўзбекистон 5-октябр куни Биткойн курси илк бор 125 минг доллардан ошиб, янги тарихий рекорд ўрнатгани ҳақида хабар берган эди.