Криштиану Роналду “Ал Насср” билан 13 та финалда совринсиз қолди
Португалиялик афсона Криштиану Роналду Саудия Арабистонидаги фаолияти давомида ҳалигача бирорта ҳам расмий совринни қўлга кирита олмади. Таниқли TNT Sports портали келтирган статистикага кўра, “Ал Насср” сафида тўп сураётган 40 ёшли ҳужумчи жамоаси билан биргаликда 13 та соврин учун курашда омадсизликка учраган.
Роналду “Ал Насср”га 2022 йилнинг декабрида қўшилган эди. Ўтган вақт мобайнида у жамоаси билан бир қатор мусобақаларда финалгача етиб борди, аммо барчасида совринсиз қолди.
Қуйида Криштиану Роналдунинг Саудиядаги муваффақиятсиз совринлар рўйхати келтирилган:
2022/23 мавсум:
– Саудия чемпионати (Campeonato Saudita) – мағлубият
– Қирол кубоги (Copa do Rei Saudita) – мағлубият
– Саудия суперкубоги (Supercopa Saudita) – мағлубият
2023/24 мавсум:
– Саудия чемпионати – мағлубият
– Қирол кубоги – мағлубият
– Саудия суперкубоги – мағлубият
– Осиё чемпионлар лигаси (Champions Asiática) – мағлубият
2024/25 мавсум:
– Саудия чемпионати – мағлубият
– Қирол кубоги – мағлубият
– Саудия суперкубоги – мағлубият
– Осиё чемпионлар лигаси – мағлубият
2025/26 мавсум:
– Қирол кубоги – мағлубият
– Саудия суперкубоги – мағлубият
Шу тариқа, Роналду “Ал Насср” сафидаги тўрт мавсум ичида 13 та расмий соврин учун курашда иштирок этди ва бирортасида ғолиб чиқа олмади. Бу ҳолат футбол дунёсида катта муҳокамага сабаб бўлди — чунки Европа саҳнасини забт этган юлдуз Саудияда омадсизлик силсиласини тўхтатолмаяпти.
Шу билан бирга, “Ал Насср” айни пайтда Саудия Про Лигасида пешқадамлар сафида боряпти ва Роналдунинг ўзи эса голлар сони бўйича етакчилар орасида. Аммо статистика шундоқ дейди — у келганидан буён жамоа 13 та финалда иштирок этди ва барчасини бой берди.
Бу натижа Роналдунинг “Ал Насср” билан катта совринлар сари йўли ҳали ҳам мураккаб ва узоқ эканини кўрсатмоқда.