Винисиус АПЛнинг топ клубларига ўтиши мумкин
Сўнгги кунларда Винисиус Жуниорнинг келажаги борасида кўплаб миш-мишлар тарқалмоқда. Миш-мишларга кўра, бразилиялик футболчи ва "Реал Мадрид" бош мураббийи Хаби Алонсо ўртасидаги ёмон муносабатлар сабабли Винисиус клубни тарк этиши мумкин.
Бундан ташқари, Мадрид клуби 2026 йилда футболчини сотиш эҳтимолини кўриб чиқмоқда, чунки шартнома узайтирилмаса, бир йил ўтиб у эркин агентга айланади.
The Sun газетасининг хабар беришича, агар Винисиус "Реал"ни тарк этса, Англия Премьер-лигасининг "катта олтиталиги" вакиллари – "Арсенал", "Ливерпул", "Манчестер Сити", "Челси", "Манчестер Юнайтед" ва "Тоттенхэм" футболчини қўлга киритиш учун кураш олиб боради.
25 ёшли Винисиуснинг трансфер нархи Transfermarkt порталига кўра, 150 миллион еврога баҳоланмоқда.