"Ювентус" Спаллетти тайинланиши ҳақидаги хабарларга изоҳ берди
"Ювентус" вакили Жоржо Кьеллини жамоанинг бош мураббийлигига Лучано Спаллеттининг тайинланиши ҳақидаги маълумотларга изоҳ берди. Аввалроқ томонлар мавсум охиригача меҳнат шартномасининг шартларини келишиб олгани ҳақида хабарлар тарқалган эди.
"Менимча, Спаллетти ажойиб ва тажрибали мураббий бўлиб, замонавий футбол фалсафасини яхши билади. У ҳақида янгилик айтиш қийин.
Аммо ҳозирча биз унинг билан ҳеч қандай ҳужжат имзоламадик", — деди Кьеллини DAZN билан суҳбатда. Кеча "Ювентус" Италия чемпионатининг тўққизинчи турида "Удинезе" билан баҳс олиб борди ва 3:1 ҳисобида ғалаба қозонди.