Дмитрий Черышевдан Арсен Захарянга маслаҳат...
Футбол мутахассиси Дмитрий Черышев Испаниянинг "Реал Сосьедад" клуби ярим ҳимоячиси Арсен Захарян ҳақида ўз фикрлари билан ўртоқлашди. Захарян 2025/2026-йилги мавсумдаги биринчи голини Кубок учрашувида "Негрейра"га қарши ўйинда киритди.
"Захарянда маҳорат ва истеъдод бор. У тўхтамаслиги, журналистларни камроқ тинглаши, ортиқча мақтовлардан қочиши ва ўзига содиқ қолиши керак. Бу энг муҳим жиҳат", - деди Черышев "Чемпионат" нашрига берган интервьюсида.
22 ёшли ярим ҳимоячи 2023 йил ёзида Москванинг "Динамо" клубидан Сан-Себастьянга келиб қўшилган эди.
Футболчи билан тузилган шартнома 2028/2029 йилги мавсум охиригача амал қилади. Арсен Захаряннинг трансфер қиймати 7,5 миллион еврога баҳоланмоқда.