Испанияда Захарян ҳақида фикрлар билдирилди...
Испаниялик журналист Diario AS вакили Хосе Антонио Эспина Россиянинг "Реал Сосьедад" клуби сафида ҳаракат қилаётган ярим ҳимоячи Арсен Захарян ҳақида ўз фикрларини билдирди.
"Ҳозирча Захарянни "Сосьедад" учун муҳим футболчи деб аташ қийин. Албатта, у истеъдодли футболчи. Аммо Испанияда муваффақиятли ўйнаш учун фақат истеъдоднинг ўзи етарли эмас", — дея журналист "РБ Спорт"га берган интервьюсида таъкидлади.
Мутахассиснинг фикрига кўра, Захарян Испания футбол услубига мослашиши ва ўз характерига кўпроқ эътибор қаратиши керак. Журналист, шунингдек, футболчига жароҳатлар олдин тўсқинлик қилганини, энди эса унга ўзини кўрсатиш учун яна бир имконият берилганини қайд этди.
Сўнгги кубок учрашувида Захарян илк бор "Реал Сосьедад"нинг асосий таркибида майдонга тушди ва "Негрейра" устидан 3:0 ҳисобида ғалаба қозонишда ўз голи билан ёрдам берди.