Тошкентда 'Гелик' ва тез тиббий ёрдам машинаси тўқнашди
Тошкент шаҳар ИИББ ЙҲХБ (Ички ишлар бош бошқармаси Йўл ҳаракати хавфсизлиги бўлими) матбуот хизмати ҳодиса ҳақида маълумот берди. Жорий йилнинг 30 октябр куни соат тахминан 12:45 да Яшнобод туманидаги Кичик ҳалқа автомобиль йўлида, эски ТошМИ яқинида йўл-транспорт ҳодисаси содир бўлди.
'Мерседез-Бенц' автомобили (ҳайдовчи 1986 йилда туғилган) ва тез тиббий ёрдам машинаси 'Форд' (ҳайдовчи 1971 йилда туғилган) ўзаро тўқнашган. Тўқнашув натижасида транспорт воситалари жиддий техник зарар кўрган.
Икки нафар фуқаро жароҳат олган ва уларга биринчи тиббий ёрдам кўрсатилган. Ҳодиса юзасидан тергов ишлари олиб борилмоқда.
ЙТҲ сабабларини аниқлаш ишлари давом этмоқда. Мутасадди ташкилот ҳайдовчиларга йўл ҳаракати қоидаларига қатъий риоя қилишни ва фожиали оқибатларнинг олдини олишни тавсия қилди.