Лисандро Мартинес машғулотларга қайтди
0
“Манчестер Юнайтед” ҳимоячиси Лисандро Мартинес жамоанинг умумий машғулотларига қайтди. Бу ҳақда “қизил иблислар”нинг расмий веб-сайти хабар берди.
Мартинес феврал ойининг бошида тиззасидан жиддий жароҳат олган эди. Ўшанда аргентиналик футболчига жарроҳлик амалиёти ўтказилиб, тикланиш жараёни бошланган эди.
Эндиликда Лисандро тўлиқ машғулотларда қатнашишни бошлади, бу эса тикланиш йўлидаги муҳим қадам ҳисобланади. Лисандро Мартинес “Манчестер Юнайтед” сафида жами 91 расмий ўйинда майдонга тушган.
У ушбу ўйинларда учта гол уриб, учта голли узатмани амалга оширган. Айни вақтда “Манчестер Юнайтед” Англия Премьер-лигасининг турнир жадвалида олтинчи ўринни эгаллаб турибди.