Туркияда 7 қаватли уй қулаб тушди, болалар ҳалок бўлди
Туркиянинг Қоджаэли вилоятидаги Гебзе шаҳрида 7 қаватли турар жой биноси қулаб тушди.
Маълумотларга кўра, фожиа 29 октябрь куни эрталаб содир бўлган. Ҳодиса оқибатида бир оила аъзолари вайрона остида қолган. Расмий маълумотга кўра, икки нафар бола ҳалок бўлган, яна бир қиз бола тирик ҳолда қутқарилиб, шифохонага етказилган.
Қутқарув ишларига 600 дан ортиқ махсус хизмат ходимлари, ўт ўчирувчилар ва қутқарув техникалари жалб этилган. Ҳозирда бинодан қолган вайроналар астида бошқа инсонлар бор-йўқлиги текширилмоқда.
Мутахассислар бинога боғлиқ сабабларни — пойдевор ҳолати, қурилиш сифати ҳамда атрофдаги инфратузилма ишларини ўрганмоқда. Ҳукумат бу ҳолатни тўлиқ таҳлил қилиш учун махсус комиссия тузган.
Айни вақтда Гебзеда хавфсизлик чоралари кучайтирилган, биноларнинг техник ҳолати ҳам қайта текширилаётгани маълум қилинди.