31 октябр куни мамлакатнинг айрим жойларида ёмғир ёғади

Ўзгидромет маълумотларига кўра, 31 октябрь куни мамлакатнинг айрим ҳудудларида ёмғир ёғиши, баъзи вилоятларда эса чанғ тўзонлар кузатилиши мумкин.

Тошкент шаҳрида осмон бироз булутли бўлиб, кечқурун қисқа муддатли ёмғир ёғиши эҳтимол қилинмоқда. Шамол йўналишини ўзгартириб, ғарбдан 10–12 м/с гача кучайиши мумкин. Ҳаво ҳарорати тунги 8–10, кундузи эса 23 даража атрофида бўлади.

Қорақалпоғистон ва Хоразмда ҳам кечаси ёки эрталаб қисқа муддатли ёмғир ёғиши мумкин. Шамол 18 м/с гача кучайиб, айрим ҳудудларда чанғ тўзонлар кузатилиши эҳтимолдан холи эмас. Ҳарорат кундузи 18 даражагача бўлади.

Бухоро ва Навоий вилоятларида ҳам баъзи жойларда ёмғир ёғиши мумкин. Ҳарорат кундузи 15–20 даража бўлиб, шамолнинг кучайиши натижасида ҳаво салқинроқ бўлади.

Марказий вилоятларда — Тошкент, Сирдарё, Жиззах ва Самарқандда ёғингарчилик кутилмайди, аммо шамол 13–18 м/с гача кучайиши мумкин. Ҳарорат кундузи 20–25 даража бўлади.

Қашқадарё ва Сурхондарёда ёмғир бўлмайди, шамол эса айрим жойларда кучайиши мумкин. Ҳаво нисбатан илиқ — кундузи 24 даражагача, кечаси 11 даража атрофида бўлади.

Фарғона водийсида — Андижон, Наманган ва Фарғонада ҳаво бироз булутли бўлиб, эрталаб туман тушиши мумкин. Ҳарорат кундузи 18–23 даража, кечаси 6–11 даража бўлади.

Тоғ олди ҳудудларда эса айрим жойларда ёмғир ёғиши кутилмоқда. Ҳарорат кундузи 17 даража, кечаси эса 2–7 даража атрофида бўлади.

Мутахассислар бу ҳафта мамлакат бўйлаб шамолли ва ўзгарувчан об-ҳаво сақланиб туришини таъкидламоқда.