“Ер усти халқа йўли” тўлиқ ишга туширилди
0
Сўнгги кунларда ижтимоий тармоқларда “Ер усти халқа йўли” йўналиши ҳали ҳам ишга туширилмагани ҳақидаги хабарлар тарқалганди. “Тошкент метрополитени” мазкур ҳолат юзасидан расмий муносабат билдирди.
Корхона маълумотига кўра, бугун — 1-ноябрь тонгидан бошлаб “Ер усти халқа йўли” йўналиши йўловчилар учун тўлиқ ишга туширилган. Ҳозирда ушбу йўналишда 12 та ҳаракат таркиби 7 дақиқалик интервал билан қатнамоқда.
“Тошкент метрополитени” вакиллари ахборот маконида ишончли маълумот тарқатиш муҳимлигини таъкидлади. Шу муносабат билан ижтимоий тармоқ саҳифаларини юритаётган фуқаролардан расмий манбаларга таяниб хабар эълон қилиш сўралди.