Ҳойлунннинг илҳоми: Роналдуга ўхшаш истаги

«Наполи» ҳужумчиси Расмус Ҳойлунннинг отаси Андерс Ҳойлунн ўғлининг футболга бўлган илҳом манбасини ошкор қилди. 22 ёшли футболчи бир неча бор интервьюларида Криштиану Роналду унинг ўрнак оладиган футболчиси эканини айтган.

Отасининг сўзларига кўра, айнан португалиялик юлдуз Расмусни футбол йўлига киришга илҳомлантирган. "Мен яхши эслайман, Расмус биринчи марта менга футболчи бўлиш нияти ҳақида гапирганди".

Биз ўша пайтда унинг хонасидаги Роналду постери қаршисида ўтиргандик. Расмус менга қараб: ‘Мен Криштиану каби бўлишни истайман’, деди.

Мен эса унга бу осон йўл эмаслигини айтдим”, – деди Андерс Ҳойлунн Il Mattino газетасига берган интервьюсида. Расмус Ҳойлунн жорий ёзда "Манчестер Юнайтед"дан "Наполи"га ижарага ўтиб, келишувга кўра, кейинчалик клуб уни мажбурий сотиб олиш шарти билан трансфер қилди.