Юльманн: “Ҳеч бир жамоа енгилмас эмас”

Леверкузеннинг “Байер” жамоаси бош мураббийи Каспер Юльманн 1-ноябрь куни кечқурун Мюнхеннинг “Бавария” клубига қарши Германия чемпионатининг тўққизинчи тур ўйини олдидан матбуот вакиллари билан суҳбатлашди. “Биз ушбу ўйинни интиқлик билан кутяпмиз.

Албатта, чоршанба кунги кубок ўйини кутилганидан узунроқ бўлди, аммо биз муваффақиятли тикландик ва кучли таркибга эга бўлдик. ‘Бавария’ Германиянинг энг яхши жамоаси, шунингдек, Европанинг энг кучли клубларидан бири.

Лекин ҳеч бир жамоа енгилмас эмас. Мен қатъий ишонаманки, биз бу ўйинда натижага эриша оламиз”, - деди Юльманн “Байер”нинг расмий сайтига берган интервьюсида.

Рақиб ҳужумчиси Гарри Кейн, 14 ўйинда 22 та гол урганлиги ҳақида саволга мураббий қуйидагича жавоб берди: “Биз унга ва бошқа барча футболчиларга жамоавий ҳимоя қилишимиз керак, бу — ягона йўл”. Леверкузенликлар 17 очко билан мусобақа жадвалида бешинчи ўринда бормоқда.

“Бавария” эса 24 очко тўплаб, биринчи поғонада жойлашган. Аввалроқ “Бавария” бош мураббийи Венсан Компани ушбу ўйинга оид ўз фикрларини билдирган эди.