Ле Брис: Биз ҳали ўсишимиз керак

“Сандерленд” бош мураббийи Режис Ле Брис “Эвертон”га қарши ўйин олдидан матбуот анжумани ўтказди. Жамоалар Англия чемпионати 10-тур доирасида 3-ноябрь куни кечқурун учрашади.

“Биз ушбу лигада рақобатбардош бўлиш учун ҳали ўсишимиз керак. Турли тактик схемаларга, турли рақибларга ва ўйиннинг турли вазиятларига қарши ўйин жараёнини бошқариш биз учун муҳим.

Менимча, бу борада яхшиланиб бораяпмиз”, – деди мураббий клубнинг расмий сайтига берган интервьюсида. “Қора мушуклар” сўнгги икки ўйинда мағлубиятга учрамади ва “Вулверхэмптон” ҳамда “Челси”ни мағлуб этди.

Пойтахт жамоасига қарши ўйинда қаҳрамонлардан бири сифатида захирадан майдонга тушиб гол урган марокашлик Чемсдин Талби бўлди. “Чемсдин жуда яхши ҳаракат қилмоқда, лекин унутмаслик керакки, у ҳали жуда ёш.

У 20 ёшида бундай даражада ўйнаяпти, бу ёшда барқарорлик осон эмас. Агар сиз захирада қолишингизга тўғри келса, бу ҳолатни қабул қилишингиз керак – бу сизнинг фаолиятингизнинг бир қисми.

Сиз мустаҳкам бўлишингиз, меҳнат қилишингиз ва имкониятни кутишингиз керак”, – деди Ле Брис. Ўйин Москвада соат 23:00да бошланади.

“Сандерленд” ҳозирда 17 очко билан еттинчи ўринда бормоқда, ғалаба қозонса, иккинчи ўринга кўтарилади. “Эвертон” эса 11 очко билан 15-ўринда жойлашган.