Амброзини Тиаго Силвани Миланга чақирди
0
Италиянинг "Милан" жамоасининг собиқ футболчиси Массимо Амброзини Тиаго Силванинг клубга қайтиши ғоясини қўллаб-қувватлади, айниқса, агар "Милан" Скудетто учун курашга қўшилса. "Мен Тиагони жамоага январда қайтарган бўлардим.
У чемпионлик учун курашда фойдали бўлиши мумкин ва бир неча тўлиқ учрашувларда майдонга тушиши эҳтимоли бор", - дея Амброзини сўзларини келтиради pianetamilan.it. Эслатиб ўтамиз, бразилиялик футболчи "Милан"да 2009 йилдан 2012 йилгача фаолият олиб борган ва 2011 йилда Массимилиано Аллегри бошчилигида Италия чемпиони бўлган эди.
Айни пайтда "Милан" Италия чемпионати А Серияси турнир жадвалида учинчи ўринда бормоқда.