Экитике - 2006 йилдан бери икки гол урган биринчи француз
Жамоа ўйинда икки марта гол урди ва ҳар икки ҳолатда ҳам голларни Уго Экитике киритди. Ушбу натижа орқали Экитике сўнгги 20 йил ичида Англия Премьер-лигаси ўйинида "Ливерпул" учун икки марта гол урган биринчи француз футболчига айланди.
Бунгача бундай натижага фақат 2006 йилнинг апрел ойида, "Вест Хем"га қарши ўйинда, Жибрил Сиссе эришган эди. Эслатиб ўтамиз, "Ливерпул" жорий Англия чемпиони саналади, бироқ 15-тур бошланишидан олдин АПЛ турнир жадвалида фақатгина 11-ўринни эгаллаб турган эди.