“Сеҳрландия” учун илк расмий саундтрек тақдимоти! (саундтрек)
Кичик блогер Ясмина Заитова ўзининг Instagram саҳифасида янги видео пост жойлади. У пост орқали Ўзбекистонда илк бор 3D форматда суратга олинган, тўлиқ метражли анимацион фильм — “СEҲРЛАНДИЯ: Қаҳрамонлик миссияси” учун расмий саундтрек тақдим этилганини маълум қилди.
Ясмина ўз изоҳида шундай деб ёзди:
“Саундтрекда мўъжизалар олами, қаҳрамонлар, дўстлик ва яхшилик — барчаси мужассам. 25 декабрь куни Ўзбекистон Миллий кино санъати саройида кўришгунча! "Сеҳрландия: қаҳрамонлик миссияси" — Янги йилнинг асосий томошаси!”
Видео қисқа фурсатда томошабинлар эътиборини тортди. Мухлислар Ясминанинг тақдимот тарзини, фильмга бўлган иштиёқини ва байрамона кайфиятини илиқ кутиб олишмоқда. Ушбу саундтрек тақдимоти “Сеҳрландия”нинг катта премьераси олдидан янада катта қизиқиш уйғотмоқда.