Беллингем: "Мухлисларнинг норозилигини тушунаман"

Мадриднинг "Реал" клуби ярим ҳимоячиси Жуд Беллингем Чемпионлар лигасида "Манчестер Сити"га қарши ўйинда ўз уйларида мағлуб бўлишганидан сўнг мухлисларнинг норозилигига изоҳ берди. "Сантьяго Бернабеу" стадионида бўлиб ўтган учрашувда "Реал" дастлаб 28-дақиқада ҳисобни очди, аммо якунда 1:2 ҳисоби билан "шаҳарликлар"га имкониятни бой берди.

Ўйиндан сўнг Беллингем CBS Sportsга берган интервьюсида шундай деди: "Бугун нимадир ўзгарди – мен буни сездим. Энди ҳар биримиз ўз устиимизда ишлашимиз кераклигини тушунишимиз лозим.

Мухлисларнинг бизга нисбатан норозилигини тушунаман. Аҳир биз дунёнинг энг яхши клубида ўйнаяпмиз ва одамлар бизни қўллаб-қувватлаш учун катта маблағ сарфлашади." Якшанба куни мадридликлар Ла Лига доирасида "Алавес"га қарши сафар учрашувини ўтказишади.