Рубен Лофтус-Чик «Милан» клубини тарк этишни ўйламоқда
Calciomercato нашрининг хабарига кўра, Лофтус-Чик январ ойида трансфер сўрашни режалаштирмоқда. У мунтазам ўйин амалиётини тиклаш ва 2026 йилги Жаҳон чемпионатида Англия терма жамоасида қатнашиш имкониятини оширишни мақсад қилган.
Ёзда футболчига Римнинг «Лацио» клуби қизиқиш билдирган эди, шунингдек, унинг Англия Премьер-лигасига қайтиши ҳақида миш-мишлар ҳам тарқалган. Transfermarkt портали Рубен Лофтус-Чикнинг трансфер қийматини 10 миллион евро атрофида баҳоламоқда.
Футболчининг «Милан» билан тузган шартномаси 2027 йилгача амал қилади.