Ҳасанбой Дўсматов — икки карра жаҳон чемпиони! (видео)
2025 йил 13 декабрь куни бўлиб ўтган IBA жаҳон чемпионати финалида 51 кг вазн тоифасида Ҳасанбой Дўсматов россиялик боксчи Байир Батлаевни мағлуб этди. Ҳакамлар бир овоздан бўлмаса-да, 4:1 ҳисобида ғалабани вакилимизга топширди.
Жанг давомида Дўсматов темпни бошқарди, масофада маҳорат билан ишлади ва ҳимояда ишончли ҳаракат қилди. Россиялик рақиб қаршилик кўрсатишга уринди, бироқ жанг давомида Ҳасанбойнинг устунлиги яққол сезилиб турди.
Натижада, вакилимизнинг навбатдаги йирик ғалабаси ва фаолиятидаги ёрқин муваффақиятлардан бири қайд этилди. Шундай қилиб, Ҳасанбой Дўсматов олтин медални қўлга киритиб, икки карра жаҳон чемпиони бўлди.
У ўз вазн тоифасида дунёнинг энг кучли боксчиларидан бири сифатида ўз мавқеини яна бир бор исботлади.